გამოფენის ორგანიზატორები მხატვრებს სთავაზობენ „სახლის“ თემის გააზრებას.

რას ნიშნავს „სახლი“ თანამედროვე ადამიანისთვის?
წყდება თუ არა ჩვენი კავშირი „სახლთან“, როცა ვიზრდებით და მივდივართ მშობლებისაგან, თუ ის მთელი ცხოვრება გრძელდება? შეიძლება თუ არა, რომ გარკვეული გარემოებების გამო სახლი ჩვენთვის ციხედ ან გალიად იქცეს?
რას ვგრძნობთ, როცა სტიქიური უბედურების ან სოციალური მდგომარეობის გამო სამუდამოდ ვკარგავთ სახლს?
შეცვალა თუ არა ბოლო წლებში განვითარებულმა მოვლენებმა ადამიანების დამოკიდებულება ცნება „სახლის“ მიმართ?

ჩვენი გამოფენა იქნება ერთგვარი ექსპერიმენტი - კაცობრიობისთვის მნიშვნელოვანი „სახლის“ კონცეფციის აღქმის ერთ-ერთი გზა.

გამოფენაში მონაწილეობის მისაღებად ვიწვევთ მხატვრებს - ასაკის, ეროვნების თუ წინა მიღწევების მიუხედავად.